Policia e Tiranës ka ndëshkuar me 700.000 lekë gjobë një person pasi ka ka thyer rregullin e vetëkarantinimit. Bëhet fjalë për shtetasin K. B., i cili ka hyrë në Shqipëri më datë 11 Mars. Ai është konstatuar nga uniformat blu jashtë banesës së tij.
Gjithashtu, gjatë 24 orëve të fundit, janë ndëshkuar dhe 65 këmbësorë dhe 76 drejtues mjetesh, në zbatim të masave për parandalimin e përhapjes së COVID-19.
65 shtetas janë konstatuan nga shërbimet e Policisë duke lëvizur në këmbë apo me biçikleta, pa ndonjë arsye apo emergjencë dhe janë ndëshkuar me masë administrative 10.000 lekë, njëri prej të cilëve u shoqërua në komisariat dhe u procedua penalisht për kundërshtim të urdhrit të punonjësit të Policisë.
Ndërsa 76 drejtues mjetesh, janë evidentuar duke shkelur urdhrin e ndalim qarkullimit dhe janë ndëshkuar me heqje të lejes së drejtimit dhe bllokim mjeti
Gjithashtu janë konstatuar dhe 9 subjekte tregtie që nuk kanë respektuar orarin e mbylljes dhe ndaj administratorëve është marrë masë administrative 100.000 lekë për secilin.
