Nga Klodian Tomorri
Gjoba 110 milionë euro me ca bishta të tjera që na vunë për Becchettin është fiks si kushtet që i vunë Gjermanisë pas luftës së parë Botërore në Traktatin e Versajës.
Juve ju lumshin duart dhe mendja. Tani prisni që ne të vdesim për të ngrënë dhe të gjejmë ndonje Hitler që ta vëmë në krye të vendit. Mos kini merak se kështu po na bëni narkoshtet me zor.
Ju keni shumë të drejtë. Fundja ne vetëe kemi zgjedhur Ramën. Por puna është se ju gjobën nuk ja vini Ramës, por neve. Dhe sa pa. 110 milione euro. A thua se u shpronësua CNN që u bë aq dëm.
Një falenderim i madh i shkon Bankës Botërore për kontributin e madh që ka dhënë, vecanërisht për vendet e varfra, duke themeluar, mbështetur dhe garantuar këtë gjykatën.
Faleminderit për të gjitha thërrimet humanitare që na keni dhënë. Dhe faleminderit për të gjitha dhuratat e pacmueshme strategjike si TEC-i i Vlorës edhe kjo comangia e Becchettit.
Tani besoj do na bëjnë edhe presion politik për ekzekutimin e vendimit. Faleminderit edhe për këtë, në avancë.
Kurse këta të BE duhen falenderuar për talljen e madhe të t*apit që po na bëjnë me hapjen e negociatave. Ne do vuajmë për bukën e gojës, këta gjejnë kohë të tallen me kushte negociatash.
