Dhjetëra sportistë dhe skuadra në Shtetet e Bashkuara, janë mbledhur së bashku për t’i ardhur në ndihmë organizatave të cilat po mbështesin njerëzit që janë prekur nga coronavirusi.
Yjet e sportit dhe skuadra nga kampionate të sporteve të ndryshme si, NFL, MLB, NBA apo NHL, si dhe disa lojtarë golfi dhe tenisi, kanë bashkuar forcat për tu ardhur në ndihmë atyre që kanë nevojë. Sipas medieve amerikane, shuma e mbledhur deri më tani është 30 milionë dollarë.
Dy milionë dollarë kanë ardhur nga dy skuadrat e NBA, Golden State Warriors dhe New Orleans Pelicans, ndërsa për pjesën tjetër të donacioneve nuk është dhënë informacion.
Më herët, lojtari i Utah Jazz, Rudy Gobert ka dhuruar 500 mijë dollarë, ndërsa të njëjtën gjë kanë bërë edhe Kevin Love dhe Giannis Antetokounmpo.
