Boca Juniors thuhet se është afër që të transferojë Edinson Cavanin nga Paris Saint-Germain gjatë merkatos së verës.
Sulmuesi uruguaian ka kontratë me skuadrën franceze deri në fund të muajit qershor dhe do të jetë i lirë për një aventurë të re. 33-vjeçari është duke u kërkuar nga shumë skuadra evropiane, ndërsa interesim ka shfaqur edhe Boca Juniors.
Skuadra argjentinase shpreson që të transferojë uruguaianin, mirëpo qëllimi i tij është që të mbetet në Evropë. Por, Boca thuhet se do t’i ofrojë atij një pagë të ngjashme me atë të PSG-s, vetëm që të kalojë në radhët e tyre.
