Sipas raporteve të zbuluara, presidenti i Amerikës i ka bërë një ofertë Arabisë Saudite për shitjen e armatimit në vlerë 115 miliardë dollarë.
Kanali televiziv Press Tv njoftoi se Wiliam Hartung nga qendra e politikës ndërkombëtare në Amerikë, ka publikuar një raport në të cilin ka zbuluar ofertën e qeverisë së presidentit amerikan Barak Obama për t’i shitur armatim Arabisë Saudite dhe kjo ofertë është më e larta në 71 vitet e fundit e cila përfshinë shitjen e armatimit dhe pajisjeve ushtarake, si dhe trajnimin ushtarak.
Kjo ofertë përbëhet nga 42 kontrata të ndara që pjesa kryesore e tyre ende nuk është dërguar për Arabinë Saudite. Sipas këtij raporti, sasia e madhe e armatimit që Amerika i shet Arabisë Saudite, mund të konsiderohet mekanizëm i përshtatshëm për të ushtruar presion mbi Riadin.
Sipas raportit të “Koalicionit për Kontrollimin e Armatimit” që njihet si grupi kundër shitjes së armëve, Anglia dhe Amerika kanë shkelur marrëveshjen e tregtisë së armëve të vitit 2014 me eksportin e armëve në vendet të cilat kryejnë krime lufte.
