Zëvendës Presidenti amerikan Mike Pence u dyshua se mund të ishte infektuar me COVID-19, pasi një punonjës i zyrës së tij doli pozitiv në test.
Fatmirësisht për Mike Pence dhe bashkëshorten e tij Karen Pence, përgjigja e analizave doli negative.
Lajmi u bë i ditur nga kryekëshilltarja për mediat e Pence, Katie Miller.
“Unë jam e lumtur të njoftoj se që të dyja rezultatet e testit për Covid-19, të nënpresidentit Pence dhe bashkëshortes së tij Karen Pence janë negative”, tha Miller në mesazhin e saj në Twitter.
Numri i të infektuarve në SHBA ka shkuar mbi 35 mijë, ndërsa ka patur edhe 457 viktima.
