Moderatori i famshëm italian, Piero Chiambretti dhe nëna e tij e moshuar, Felicita, mbërritën me ambulancë në spitalin Mauriziano në Torino. Ata kishin rezultuar pozitivë ndaj virusit vdekjeprurës Covid-19. Asnjëri prej tyre nuk ishte në gjendje të rëndë por ata u izoluan dhe iu nënshtruan mjekimeve të nevojshme.
Mamaja e moderatorit ka ndërruar jetë pas disa ditësh betejë me virusin. Ajo s’ka mundur t’i bëjë ballë më gjatë epidemisë dhe ka humbur jetën në moshën 84-vjeçare.
Lajmin e hidhur e dha aktorja e njohur Vladimir Luxuria, nëpërmjet një postimi në Twitter.
“Ngushëllimet e mia më të sinqerta për mamanë e Piero-s, Felicita. Ajo nuk ia doli dot” – shkruan ajo në postim.
Ndërkohë, moderatori po qëndron ende në spital, në kujdesin e mjekëve.
