Robert Lewandoski është futbollisti i radhës te Bayern Munich, i cili bën një kontribut të madh për të ndihmuar në luftën kundër coronavirusit. Polaku së bashku me gruan e tij Anna Lewandoski, kanë vendosur të dhurojnë 1 milionë euro për tu ardhur në ndihmë njerëzve.
“Jemi të gjithë të vetëdijshëm për situatën e vështirë rreth nesh. Sot të gjithë luajmë për të njëjtën skuadër. Të jemi të fortë në këtë luftë. Nëse mund të ndihmojmë dikë, le ta bëjmë atë. Kjo situatë na prek të gjithë ne. Ndiqni udhëzimet dhe dëgjoni profesionistët. Tregoni përgjegjshmëri!”
“Mendojmë se së shpejti do ti rikthehemi normalitetit. Jemi në këtë situatë së bashku dhe do ta kalojmë së bashku”. – ka thënë çifti për “BILD”.
Më herët gjatë javës, 2 futbollistët e tjerë të Bayern, Leon Goretzka dhe Joshua Kimich dhuruan secili nga 1 milionë euro për fondacionin #WeKickCorona.
