Një numër i shteteve amerikane kanë urdhëruar izolim të menjëhershëm dhe një në pesë amerikanë pritet të vendoset nën këtë masë të rreptë.
Connecticut dhe New Jersey i janë bashkuar Kalifornisë në urdhërimin e qytetarëve që të qëndrojnë në shtëpi si formë e parandalimit të përhapjes së koronavirusit.
Shteti i New Yorkut ka urdhëruar mbylljen e secilit biznes jo të nevojshëm në këtë kohë pandemie.
Në SHBA deri më tani kanë vdekur 230 persona dhe janë infektuar më shumë se 18 mijë të tjerë.
Numri total i vdekjeve nëpër botë ka arritur mbi 11 mijë, ndërsa 270 mijë persona janë testuar pozitivë.
