Një person ka humbur jetën dhe dy të tjetrë kanë mbetur të plagosur si pasojë e një aksidenti të ndodhur në aksin rrugor Levan- Tepelenë pak pasi kishte kaluar mesnata.
Përplasja e mjetit tip Mercedes Benz, ku udhëtonin tre të rinj nga Gjirokastra ka qenë shumë e fuqishme, sipas policisë. Makina kishte kapërcyer bordurën në anë të rrugës dhe është gjetur 6 metra larg, pranë fshatit Buzëmadh. Shpejtësia e madhe me të cilën udhëtonin tre të rinjtë dhe lagështia e asfaltit kanë qenë fatale për 23 vjeçarin Gazmir Meçaj që ndërroi jetë në vend nga përplasja.
Dy të plagosurit u dërguan në spitalin e Fierit ku ndodhen nën kujdesin e mjekëve. Aktualisht vijojnë ende hetimet për zbardhjen e rrethanave të aksidentit, ndërsa paraprakisht dyshohet për tejkalim shpejtësie.
