Është zbuluar një pjesë e të vertetës në lidhje me mesazhin që befasoi të gjithë para dy ditësh në emisionin “Open” për kryeministrin Edi Rama, nga kreu i opozitës Lulzim Basha i cili i kërkonte të largohej dhe ta merrte ai drejtimin e vendit.
Kompania celulare në përgjigjen e kthyer për Partinë Demokratike del në konkluzionet se:
1- SMS nuk është dërguar nga Lulzim Basha apo nëpërmjet sistemit të kompanisë celulare.
2- SMS është dërguar nga një platformë e huaj SMS në internet për dërgimin e SMS-ve, jashtë rrjetit të kompanisë celulare.
Përgjigjen e ka publikuar sekretari i Përgjithshëm i PD-së, Gazment Bardhi nëpërmjet një postimi në rrjetet sociale ku shkruan se shqiptarët të gjykojnë vetë se kush e ka mendjen tek pushteti dhe përdor mesazhe të sajuara kundër kreut të opozitës.
Postimi i Bardhit
E vërteta është më e qartë dhe e pastër se çdo lojë e pisët apo maskë e skaduar. Le ta shohin dhe gjykojnë vetë shqiptarët se kush e ka mendjen tek pushteti dhe përdor mesazhe të sajuara kundër kreut të opozitës. Me qëllimin e vetëm, të largojë vëmendjen nga propozimi ynë që ndihmon realisht qytetarët dhe biznesin për të përballuar krizën. 👇
