“Mirë virusi e mirë gjithë ky mal me halle mbi kokën e popullit, po stë lë as 7×7=42-shi me masat fantastike që i përsërit duke folur në gjumë! Halli i LB është karrigia e pushtetit”
Pas kësaj deklarate të deputetit socialist Taulant Balla, ka ardhur një kundërpërgjigje nga ana e opozitës.
Nënkryetari i PD-së, Edmond Spaho shprehet se Balla nuk ka hallin e shqiptarëve por prioritet i tij është sulmi ndaj opozitës që shqiptarët të mos kujtohen se paratë e tyre kanë përfunduar në xhepat e shokëve trafikantë droge të tij.
Përmes një postimi në rrjetet sociale Spaho shkruan se nëse 52 milionë eurot e tenderave do të ishin llogaritur për të lehtësuar përballjen me krizën, sot nuk do të diskutohej buka e gojës për qindra mijëra shqiptarë.
Postimi i Edmond Spahos
Taulant Balla nuk ka hallin e shqiptarëve. Prioriteti i tij është sulmi i opozitës me çdo mjet të pistë politik, që shqiptarët të mos kujtohen se paratë e tyre kanë përfunduar në xhepat e shokëve trafikantë droge të Taulant Ballës. Nëse 52 milionë eurot e tenderave të hapur në kulmin e sakrificës së shqiptarëve, do të ishin llogaritur për të lehtësuar përballjen me krizën, sot nuk do të diskutohej buka e gojës për qindra mijëra shqiptarë. Nuk është koha për sulme politike dhe mashtrime. Jepuni qytetarëve fondet e nevojshme për të siguruar bukën e përditshme!
