Skuadrat e NBA po testojnë vazhdimisht lojtarët dhe stafet e tyre ndërsa coronavirusi vazhdon të përhapet.
Kështu nga testet e fundit kanë rezultuar pozitiv me virusin COVID-19, 2 lojtarë të Los Angeles Lakers si dhe Marcus Smart, lojtar ky i Boston Celtics.
Emrat e lojtarëve që janë prekur te skuadra kaliforniane, nuk janë bërë të ditur dhe dyshohen se janë infektuar në takimin e fundit me Brooklyn Nets, ku më herët dolën katër raste. Sipas mediave amerikane asnjë nga tre lojtarët nuk shfaqin simptoma të sëmundjes.
Për sa i përket gjashtë personave të tjerë, ata nuk janë lojtarë, por bëjnë pjesë në stafet teknike të Philadelphia 76ers e Denver Nuggets.
