Futbollisti i njohur Cristiano Ronaldo dhe familja e tij janë izoluar në shtëpinë tyre në Portugali, nën urdhra të rreptë nga Juventus, pasi dy lojtarë u testuan pozitivë për Covid-19.
Ronaldo ka pasur kontakte të drejtpërdrejta me shokët e skuadrës, Daniele Rugani dhe Blaise Matuidi, që janë dhe dy lojtarët e infektuar.
Cristiano dhe Georgina përmes rrjeteve të tyre sociale kanë këshilluar miliona ndjekës të tyre të qëndrojnë në shtëpi, derisa situata të qetësohet.
Ronaldo i ka zbatuar me përpikmëri rregullat dhe është vetëizoluar, ai është fotografuar në ballkon teksa merrte rreze dielli.
Georgina Rodriguez ka thyer rregullat sepse së fundmi, ajo është fotografuar teksa dilte nga një dyqan rrobash, shoqëruar nga dy truprojat e saj.
Kaq ka mjaftuar dhe Geogina është kthyer në qendrën e mediave rozë, duke u kritikuar së tepërmi nga fansat për sjelljen e saj.
