Kryeministri Edi Rama ka deklaruar mbrëmjen e sotme se ka pasur një kontakt gjatë mbrëmjes me presidentit turk Erdogan ndërsa ka theksuar se ky i fundit është i gatshëm për të ndihmuar Shqipërinë nëse situata me koronavirusin kalon në planin “C”.
Rama u pyet gjatë një lidhje me “Opinion” nëse kishte kërkuar ndihmë nga Kina, teksa kryeministri rrëfeu bisedën dhe marrëveshjen me Erdogan.
A keni kërkuar ndihmë nga Kina duke qenë se ka pasur eksperiancë të suksesshme?
Rama: Ndihmën e Kinës po e kërkon gjithë bota, nuk kemi pasur kontakt por kam folur para se të vija këtu me Presidentin turk, sepse kam komunikim të vazhueshëm me të dhe ky nuk është një sekret. Duhet të kemi një plan “C” që duhet ta kishim të garantuar, dhe këtë e kemi planifikuar me Turqinë.
Prej dy javësh kemi vendosur në tavolinën e shtetit turk një listë me kërkesat tona në rast se do të “përmbyset bota”.
