Ministria për Evropën dhe Punët e Jashtme ka dalë në një njoftim të rëndësishëm për shqiptarët të cilët për shkak të mbylljes së kufijve tokësorë dhe ajrorë kanë mbetur në Gjermani dhe Francë.
Sipas këtij njoftimi të gjithë këta shqiptarë të cilët vërtetojnë se kanë mbetur në vendet përkatëse për shkak të masave të marra për Convid-19, nuk do të penalizohen.
MEPJ informon të gjithë shtetasit shqiptarë që ndodhen në Gjermani, të cilët tejkalojnë qëndrimin e lejuar në hapësirën Schengen dhe dëshmojnë se për shkak të situatës së Covid-19 e kanë të pamundur lëvizjen, nuk do të penalizohen.
Sa i përket shtetasve shqiptarë që ndodhen në Francë, të cilët tejkalojnë qëndrimin e lejuar në hapësirën Schengen dhe dëshmojnë se për shkak të situatës së Covid-19 e kanë të pamundur lëvizjen, MEPJ bën me dije se autoritetet franceze nuk do të vendosin asnjë penalitet.
Gjithashtu, autoritetet franceze kanë informuar se shtetasit e vendeve të tjera, nuk do të lejohen të hyjnë në Francë për 30 ditët e ardhshme, me përjashtim të atyre që kanë lejeqendrimi të vlefshme në Francë.
