Ditët e shkuara, La Liga i dërgoi klubeve të kampionatit elitar tampona të rinj për të kryer analizat e nevojshme për të verifikuar ose jo nëse janë pozitivë me Koronavirus.
Shumë e kanë përdorur, por jo Real Valladolid, klub në pronësi të Ronaldo Luis Nazario da Lima, pra “Fenomeni”.
Ai që e zbulon është drejtori i zyrës së klubit, David Espinar, që shprehet: “Na janë dhënë tampona por nuk do t’I përdorim, pasi asnjë lojtar i yni apo stafit nuk shfaq simptoma. Do t’ia dhurojmë atyre që kanë nevojë, pra spitalit, pasi të tjerët janë prioritet më i madh se ne në këtë moment”.
Duhet thënë se futbolli është një nga sportet më të goditur si pasojë e koronavirusit, ku një pjesë e madhe lojtarësh kanë rezultuar pozitiv, ndërkohë që dje UEFA mori dhe vendimin më ekstrem, atë të shtyrjes së kampionatit europioan, që ishte parashikuar të mbahej këtë verë, me një vit.
