Federata Shqiptare e Futbollit ka njoftuar sot të gjithë klubet, se për shkak të situatës së krijuar nga coronavirusi, UEFA ka shtyrë afatin e licencimit të klubeve që pretendojnë të marrin pjesë në Kupat e Europës.
Kështu afati i parë ishte përcaktuar deri më 31 mars, ndërsa tani është shtyrë deri më 30 prill, me qëllim që klubet të kenë mundësi të përgatisin më mirë dhe më saktë dokumentacionin e nevojshëm.
Të gjithë klubet që aspirojnë të marrin pjesë në Kupat e Europës, përveçse duhet ta arrijnë këtë në renditjen e kampionatit, duhet të marrin edhe licencën nga UEFA, që lidhet me plotësimin e disa kushteve paraprake.
