Vitin e shkuar, zhvillimet më të bujshme na njohën me aktivisten suedeze të klimës, adoleshenten Greta Thunberg, e cila tronditi politikën globale me tezat e saj që u komentuan kudo në botë.
Ashtu si ajo, edhe në vendin tonë ka mjaft fëmijë dhe adoleshentë që e duan dhe luftojnë për të mbrojtur natyrën.
Në këto ditë mjaft të vështiura që po kalojmë për shkak të virusin Covid-19 që po kërcenon shëndetin tonë, një vogëlushe ka përcjellë një mesazh mjaft të vyer për të gjithë bashkëmoshatarët e saj dhe të rriturit.
Bëhet fjalë për Dea Lavdrim Shehun, nga Kukësi e cila ka përcjellë një video solidarizuese në këtë hark kohor ku kudo flitet për koronavirusin që ka pushtuar pjesën më të madhe të botës.
Nëse shumë prindër nuk e dinë ende se si duhet t’i flasin fëmijëve të tyre për koronavirusin, mbase mund të nisen nga mesazhi i kësaj 8 vjeçare e cila e sheh jo vetëm si një moment reflektimi për t’u kujdesur ndaj natyrës, por edhe si një moment i familjes së bashkuar për më shumë dashuri, komunikim, lojëra, buzëqeshje, solidarizim dhe gjallëri.
“Natyra s’bën asgjë pa qëllim”, ka thënë dikur Aristoteli në një nga testamentet më të mëdha që i ka dhënë njerëzimit, duke frymëzuar edhe vogëlushë kështu si Dea.
Padyshim, me të tillë fëmijë, e nesërmja do të jetë më e bukur për të gjithë ku shpresat dhe besimi do të rivitalizohen për t’u shndëruar në forcë dhe ndryshim. /TemA/
https://www.facebook.com/gazetatema/videos/577876492938088/
