Pranë redaksisë së Fax News ka ardhur një njoftim mbrëmjen e sotme se ka humbur nje shtetas 70 vjeçar i quajtur Gjeke Marku nga fshati Ças i Velipojës në Bashkinë e Shkodres i lindur me 15.08.1950.
Nga sa mësohet nga familjaret e tij ai ma humbur kontaktet që me daten 7 mars të këtij viti.
Në interesimin e tyre por edhe nga të dhënat e sistemit TIMS 70 vjeçari Gjeke Marku nga Çasi i Velipojes me 7 mars 2020 ka kaluar përmes Pikes së Kalimit Kufitar Muriqan-Sukobinë me autobusin e linjës Shkodër-Milano dhe me daten 08.03.2020 ka zbritur në qytetin e Milanos.
Në interesimin e familjes të cilët kanë arritur të kontaktojnë me drejtuesit e autobusit të linjës këta të fundit janë shprehur se 70 vjeçari ju ka thënë se do vijnë ta marrin familjarët e tij. Ndërsa askush nga të afërmit nuk ka pasur dhe as ka dijeni për këtë udhëtim të tij drejt shtetit Italian.
Familjarët e 70 vjeçarit kërkojnë informacion që mund të ketë vlerë për gjetjen e tij, pasi 70 vjeçari është përson me probleme shëndetësore.
