Mali i Zi raporton për dy rastet e para me koronavirus. Lajmin e ka konfirmuar vet kryeministri i Malit të Zi, Dushko Markoviq.
Kryeministri malazez, Dushko Markociq njoftoi se dy gra që kanë ardhur nga vende të prekura me COVID19 kanë rezultuar pozitive.
“Laboratoret e Institutit malazez për Shëndet Publik, kanë konfirmuar të marten rastet e para të infektimit me koronavirus në Mal të Zi. Pacientet janë të gjinisë femërore – të lindura më 1948 dhe 1973 dhe të dyja kanë qenë para pak kohësh në rajone të prekura nga epidemia”. Ai tha se gjendja e tyre shëndetësore është stabile.
Mali i Zi ka qenë vendi i vetëm në rajonin e Ballkanit Perëndimor që deri më tani nuk ka pasur të konfirmuara raste me koronavirusin e ri.
Sipas të dhënave të Universitetit John Hopkins deri më 17 mars, në gjithë botën janë konfirmuar 185,067 raste me koronaviusin e ri. Mbi 80,236 të infektuar janë shëruar, ndërkaq të vdekur si pasojë e sëmundjes Covid-19, janë mbi 7,330 persona.
