Organizata Botërore e Shëndetit e ka përshkruar pandeminë e koronavirusit si “krizën shëndetësore globale të kohës sonë”. OBSH i bëri thirrje shteteve që të testojnë të gjitha rastet e dyshuara me COVID-19.
“Kemi vetëm një mesazh për të gjitha vendet: testoni, testoni, testoni. Të gjitha vendet duhet të jenë në gjendje të testojnë të gjitha rastet e dyshuara. Nuk mund ta luftojmë këtë pandemi me sy mbyllur”, tha Drejtori i Përgjithshëm i OBSH-së, Tedros Adhanom Ghebreyesus në një konferencë të hënën.
Ndryshe po veprojnë autoritet shqiptare, që po bëjnë një numër të vogël testesh të personave të dyshuar me koronavirusin e ri. (LEXO: Statistikat, modeli i gabuar i qeverisë “Rama” rrezikon përhapjen e COV-19).
Më shumë se 168.000 persona janë infektuar në të gjithë botën nga CODI-19, ndërsa 6.610 prej tyre kanë humbur jetën. Rreth 80.000 persona janë shëruar nga infeksioni. Në vendin tonë, janë 51 të infektuar, mes tyre 1 viktimë.
