Analisti Vehap Kola, përmes një postimi në rrjetet sociale, shprehet se moskryerja masive e testeve për Covid 19 është thjesht një strategji për të fshehur shkallën e vërtetë të përhapjes në Shqipëri.
Duke iu referuar testimeve masive në Korenë e Jugut, Kola shkruan se ato treguan se 30% e rasteve të infektuara me #covid19 i përkasin grupmoshës 20-29 vjeç.
“Kjo grupmoshë këtu te ne, zë mbi 17% të popullsisë rezidente. Çdo masë për të penguar përhapjen e virusit duke mos identifikuar situatën reale është demagogji dhe vetë sa e rëndon gjendjen duke i shtuar vështirësi ekonomike e sociale”, shkruan ai.
Postimi i Vehap Kola
ÇFARË TREGOJNË TESTIMET MASIVE NË KORENË E JUGUT?
🔵 30% E RASTEVE TË INFEKTUARA ME #COVID19 I PËRKASIN GRUPMOSHËS 20-29 VJEÇ, MEGJITHËSE KJO GRUPMOSHË PËRBËN VETËM 13% TË POPULLSISË SË KORESË.
🔵 NË SHQIPËRI KJO GRUPMOSHË ZË MBI 17% TË POPULLSISË REZIDENTE. PESHA E KËSAJ GRUPMOSHE NË NUMRIN E PËRGJITHSHËM TË TË INFEKTUARVE NË VENDIN TONË DUHET TË JETË SHUMË MË E MADHE KRAHASUAR ME KORENË.
🔵 MOSKRYERJA E TESTEVE MASIVE ËSHTË THJESHT NJË STRATEGJI PËR TË FSHEHUR SHKALLËN E VËRTETË TË PËRHAPJES SË SËMUNDJES.
🔵 ÇDO MASË PËR TË PENGUAR PËRHAPJEN E VIRUSIT DUKE MOS IDENTIFIKUAR SITUATËN REALE ËSHTË DEMAGOGJI DHE VETË SA E RËNDON GJENDJEN DUKE I SHTUAR VËSHTIRËSI EKONOMIKE E SOCIALE.
