Ekspertët francezë kanë ngritur alarmin lidhur me disa ilaçe që janë përdorur gjerësisht për të luftuar simptomat e shkaktuara nga koronavirusi.
Bëhet fjalë për ilaçe anti-inflamatore, kryesisht për Ibuprofenin.
Autoritetet franceze së fundmi kanë paralajmëruar se ilaçet anti-inflamatore jo vetëm që nuk lehtësojnë simptomat e koronavirusit, por përkundrazi mund të bëjnë efektin e kundërt duke e përkeqësuar gjendjen.
Ministri i Shëndetësisë në Francë Olivier Veran, i cili është një mjek i kualifikuar dhe neurolog ka përcjellë në llogarinë e tij në Tëitter një mesazh sensibilizues.
Sipas tij paracetamoli është i vetmi ilaç i këshilluar.
“Marrja e anti-inflamatorëve si Ibuprofen, kortizon, mund të jetë një faktor në përkeqësimin e infeksionit. Në rast se keni ethe apo temperaturë përdorni vetëm paracetamol. Nëse tashmë jeni duke marrë ilaçe anti-inflamatore, këshillohuni me mjekun tuaj”, shkruan Veran.
Profesionistët e shëndetit shprehen se ilaçet anti-inflamatore janë të rrezikshme pasi ulin përgjigjen e sistemit imunitar të trupit.
