Disa ditë më parë trajneri i Arsenalit, Mikel Arteta, rezultoi pozitiv ndaj COVID-19.
Aktualisht spanjolli ndodhet i izoluar për një periudhë disa ditore duke marrë kujdesin e duhur shëndetësor.
Për gjendjen e tij aktuale ka folur bashkëshortja e tij, Lorena Arteta, e cila falënderon të gjithë fansat për kujdesin që kanë treguar karshi ish-futbollistit. Më tej, ajo ka shtuar se gjithçka po shkon më së miri si dhe ka treguar simptomat që ka kaluar Arteta.
“Fillimisht dua tu them faleminderit të gjithëve për mesazhet inkurajuese në drejtim të familjes tonë. Bashkëshorti im është mirë. Është e vërtetë që ai pati simptoma të virusit, që përfshinin temperaturë dhe dhimbje koke. Kjo është eksperienca e tij”.
“Por tani gjithçka është në rregull, ai është mirë po ashtu dhe unë dhe fëmijët”. – ka thënë ajo ndër të tjera.
