Kapiteni i Napolit, Lorenzo Insigne, mori pjesë në dhurimet për spitalet që po përballen me urgjencën e koronavirusit. Lajmin e bëri të ditur Presidenti i Rajonit të Campanias, Vincenzo De Luca, ku dhe e falënderoi publikisht sulmuesin.
Shumë personalitete nga bota e argëtimit, sportit, modës dhe kulturës kanë ndihmuar në fondet për të mbështetur punën nëpër spitalet e Italisë. Bota e futbollit po merr pjesë gjithashtu.
Ndihmesën e saj ka dhënë edhe skuadra e Parmës, të cilët kanë dhuruar 25 mijë euro në departamentin e sëmundjeve infektive të Spitalit të Madh të qytetit.
Këtij donacioni i shtohet edhe ai i kapitenit të Napoli, i cili ka dhuruar 100 mijë euro në spitalet e Campanias.
