Kryeminsitri Edi Rama ka deklaruar nga emisioni ‘Opinion’ se nuk ka mundësi asnjë shtet të ndalë virusin, por mund ta ngadalësojë përhapjen e tij.
Sipas Ramës shqiptarët duhet të tregohen të kujdesshëm dhe të presin ngrohjen e temperaturave me shpresën që ekspertët të kenë të drejtë që virusi zhduket me ngrohjen e temperaturave.
‘Merkel tha dje se 70 përqind e popullit gjerman do të preket nga koronavirusi. Çështja nuk ëhstë se si do ta ndalojmë, por nëpërmjet masave ne ulim intensitetin e shpërndarjes. Virusi prek njëlloj si çdo virus gripal, por 80 përqind e atyre që preken nga korona nuk ndiejnë asgjë. Nuk ka skenar që mund ta bëjë njeriu që mund të ndalojë shpërndarjen. Çështja është se sa masat do të arrijnë të ngadalsojnë shpërndarjen dhe t’I japing kohë sistemit që të funksionojë. Ai 20 për qindsh do të ketë shenja nuk shkon i gjithi në spital dhe nuk është i gjithi i kërcënuar’, tha Rama.
