Jose Mourinho, është një nga trajnerët me më shumë trofe në botën e futbollit, duke bërë historinë me disa klube të ndryshme në Europë, ku gjithçka filloi me drejtimin e Portos.
Por kohët e fundit statusi tij po vihet në diskutim. Mbrëmjen e djeshme, Tottenham i tij u eliminua nga Champions League, është eliminuar dhe nga FA Cup, dhe aktualisht renditet i teti në Premier League dhe mungesa e një trofeu në sezonin aktual tashmë është e garantuar.
Mourinho ka premtuar se do të sjellë të paktën një trofe te klubi londinez, por ajo ditë, duket e largët. Për më tepër, Mourinho ka dhe ecurinë më negative në karrierën e tij me “Gjelat”.
Në 6 ndeshjet e fundit, Tottenham ka humbur 5 dhe ka barazuar 1: Ecuri për tu harruar sa më shpejt. Nuk kishte ndodhur kurrë në karrierën e “Special One” që të kishte një ecuri kaq negative.
