Sa herë ju ka ndodhur që të zgjoheni në mëngjes e të mos dëshironi të shkoni në punë? Ndoshta ju jeni në mesin e të pakënaqurve me punën, të ‘ngecur’ në punën që nuk pëlqeni, me kolegë që s’janë argëtues dhe me punë që nuk ngjall emocione.
Për shumë femra ndryshimi i punës duket shpesh pothuajse një mision i pamundur. Kohët e fundit në ‘Quora’, rrjeti social ku përdoruesit postojnë pyetje dhe përgjigje, u shfaq kjo pyetje: “Pse njerëzit nuk i lënë punët e tyre edhe kur ata e gjejnë atë frustruese dhe të pakënaqshme?”.
Një ndër përgjigjet ishte ajo e John L.Miller, ish-punonjës i Microsoft, Amazon dhe Google, i cili tregon arsyet që sipas tij, mbajnë gozhduar “të pakënaqurit” me tavolinat e tyre.
John thotë se ai kishte ‘ngecur’ në Microsoft gjatë periudhave shumë frustruese. Ai kishte nevojë për përfitime të veçanta, por asokohe mendonte se asnjë kompani tjetër s’mund t’ja ofronte.
“Unë e kisha gabim…Nuk është kështu, kur ju bëni një intervistë për një punë tjetër dhe ju bëjnë një ofertë, zakonisht ata përpiqen që kompensimi i propozuar të jetë më i madh se ai i tanishmi, duke përfshirë përfitimet”, shkruan ai. Dhe kështu ndodhi.
A jeni gati për të lënë punën e vjetër për një të re? Një nga shqetësimet më të mëdha të John ishte për të lënë një vend dhe për të gjetur një tjetër, një të ri, që nuk ishte siç e imagjinonte. Pasi puna e re mund të qëllojë edhe më e papëlqyeshme sesa e para. “Ky është një dyshim real. Askush nuk mund të ju japë siguri se ju do ta pëlqeni punën pa kaluar të paktën një vit atje. Por jetesa me dyshim është frustruese…’, shton ai.
A doni me të vërtetë të sakrifikoni kohën tuaj të lirë për të kërkuar një punë të re? Është e vështirë që koha e pushime dhe lejeve të shfrytëzohet duke kryer intervista apo të ekspozoni veten ndaj rrezikut të një refuzimi. “Është e thjeshtë të qëndroni të sigurt, ku askush s’ju vë në rrezik që të pushoheni nga puna, por a ia vlen kjo?”, shkruan John.
Ndaj para se të merrni vendimin për të braktisur punën aktuale për një të re duhet të zbuloni a jeni me të vërtetë gati për këtë hap.
Burimi: Vanity Fair Italia
