Dy vajza njëra shqiptare e tjetra franzceze janë konfliktuar me njera -tjetrën pasi kjo e fundit ka humbur fluturimin. Ka qenë ky shkaku që degjeneroi në dhunë mes dy vajzave në aeropotin e Rinasit.
Pasagjerët që udhëtojnë në aeroportin e Rinasit nuk duhet të çuditen vetëm nga biletat me çmime stratosferike.
Sipas Panoramës, kaq e fortë ka qenë përplasja mes dy vajzave, sa pasagjerët nuk kanë mundur t’i ndajnë dot.
Vetëm me ndërhyrjen e forcave policore, vajzat 19 dhe 20 vjeç janë ndarë.
Mësohet se shqiptarja e kishte ftuar francezen në vendin tonë, ku edhe e ka shëtitur për disa ditë duke u bërë guida e saj turistike.
Por duket se kur vajza shqiptare po e përcillte për në aeroport, është krisur miqësia e tyre.
Teksa avioni ngrihej në qiell, të dyja kanë dhunuar fizikisht njëra-tjetrën…
Vajza shqiptare ka bërë një padi në polici për mysafiren e saj nga Franca.
Këto ditë Rinasi ka patur shumë ngjarje të pakëndëshme pasi disa prej pasagjerëve kanë përjetuar edhe një vetëvrasje live para disa ditësh.
