Konsullja shqiptare në Milano Anila Pojani ka konfirmuar se një grua shqiptare në Itali e cila u testua pozitive me COVOD-19, ka humbur jetën në shtetin fqinjë.
Ajo tha se viktima është rreth 60-vjeçe, nga Durrësi.
“Jemi kontaktuar nga një agjenci funebre, dhe sot në shqyrtimin e dokumentacionit, kemi konstatuar se shqiptarja, nga Durrësi, ka ndërruar jetë për shkak të arrestit kardiak dhe ka rezultuar edhe me koronavirus’, u shpreh konsullja Pojani.
“Dokumentacioni ka mbërritur sot në konsullatë, djali, vajza bashkëshorti, janë të gjithë në karantinë”, shtoi.
E pyetur për raportimet se ka shqiptarë të prekur nga COVID-19 në Itali (sipas mediave 2), Pojani tha se nga autoritet italiane nuk u është dhënë informacion.
