Në një dalje për mediat, ministrja e Shëndetësisë, Ogerta Manastirliu ka dhënë shifrat e analizave të kryera për koronavirusin në vend dhe se po tesohen 14 personat të tjerë që kanë patur kontakte me Pavlin dhe Viktor Kola (babë e bir), dy personat e parë të infektuar me virusin vdekjeprurës në vendin tonë.
“Janë testuar 65 raste në laboratorin e virologjisë në ISHP. 2 prej të cilëve kanë rezultuar pozitivë. Në proces testimi janë 14 raste që i përkasin kontakteve të rasteve që janë identifikuar.
Sikurse kemi bërë me transparencë maksimale do t’ju informojmë për çdo informacion të rëndësishëm për qytetarët”-u shpreh ministrja.
Gjithashtu, Manstirliu bëri me dije se janë ndaluar ndërhyrjen kirurgjikale të planifikuara, por theksoi se Urgjenca do vazhdojë punën normalisht.
“Gjithashtu sot kemi marrë vendim për kufuzimin e ndalimin ndërhyrjeve operatore të planifikuara duke përjashtuar ndërhyrjet për patologjitë malinje.
S’do ketë asnjë ndalim sa i përket shërbimeve kirurgjikale të urgjencave, që do vijojnë në normalitet.
Këto masa nuk cënojnë aspak shëndetin e qytetarëve por vendosim rregulla për të përforcuar masat pa cënuar shërbimin dhe duke ofruar garanci për ata që janë në nevojë.
Shtetasit që hyjnë në Shqipëri dhe vijnë nga zonat e kuqe që do vetëkarantinohen në banesat e tyre për 14 ditë” u shpreh ministrja.
