Bayerni i Mynihut vazhdon rrugëtimin e sigurt drejt rikonfirmimit si kampionë të Bundesligës. Skuadra bavareze ka fituar sot me rezultatin 2-0 në shtëpi ndaj Augsburgut.
Golat e fitores u shënuan nga Thomas Muller në minutën e 53-të dhe Leon Goretzka në minutën e 91-të.
Pas javës së 25-të në Bundesligën gjermane, Bayerni kryeson me 55 pikë, 4 më shumë se Dortmundi i vendit të dytë, ndërsa Augsburgu renditet në vendin e 14-të me 27 pikë.
Edhe në Ligën e Kampioneve, Bayerni është në pozita shumë të favorshme, pasi ndeshjen e parë ndaj Chelseat të vlefshme për raundin e 1/16-ve, e fituan në transfertë me rezultatin 0-3, duke e bërë ndeshjen e kthimit thuajse një formalitet.
