Bayern Munchen ka mundësinë të shkëputet në krye të klasifikimit, pasi skuadra e Leipzigut nuk ka shkuar më shumë se një barazim 0-0 ndaj Wolfsburg. Ekipi i Red Bullit nuk gjeti golin duke i dhënë mundësi Bayernit të shkëputet dhe Dortmundit t’i parakalojë. Një pikë që nuk i shërben aspak rivalëve për titullin kampion.
Bayern Leverkusen ka shkatërruar me rezultatin 4-0 Frankfurtin. Ekipi vendas nuk e vuri asnjëherë në diskutim fitoren, pasi shënoi shumë shpejt me Havertz (4′) dhe Bellarabin (14′) duke mbyllur shpejt llogaritë. Paulinho i vuri kapak në pjesën e dytë me dy golat e tij.
