Kryeministri Edi Rama është shfaqur në koncertin madhështor, që u zhvillua në Vatikan me rastin e shenjtërimit të Nënë Terezës, ndryshe nga gjithë të pranishmit.
Nga transmetimi live i koncertit, që u ndoq nga e gjithë bota, duket se vetëm kryeministri shqiptar nuk e ka marrë seriozisht ceremoninë. Ai është i vetmi që paraqitet pa kravatë në opera, e cila për më tepër vjen në kishë.
Në ndryshim nga Tsipras që bën një jetë të thjeshtë, Rama njihet për luksin e kostumeve firmato të prera me porosi dhe jetën në shtëpi banimi mijëra katrore dhe e gjithë kjo me rrogën modeste të Kryeministrit.
Por ai nuk e ka parë të arsyeshme të vendosë kravatë siç e kërkon protokolli dhe niveli i përfaqësimit. Burime pranë delegacionit shqiptar pohojnë se gjatë gjithë kohës Kryeministri Rama ka shprehur nervozizëm se pse nuk ishte ai drejtuesi i delegacionit shqiptar, por Presidenti i Republikës Bujar Nishani.
Ndërkohë më poshtë ju tregojmë një foto të bërë pak ditë më parë në Patos ku kryeministri Rama ka përdorur të njëjtin stil veshjeje si në koncertin madhështor për Nënë Terezën në Vatikan.
