Real Madrid do të udhëtojë në Angli më 17 mars për tu përballur me Manchester City-n, pas disfatës 2-1 në “Bernabeu” në fazën e 1/16-ve të Ligës së Kampioneve.
Ky rezultat e vendos skuadrën e Guardiolës në një pozitë të favorshme për të kaluar më tej, por dy ish-futbollistët e Realit të Madridit, Davor Suker dhe Pedja Mijatoviç besojnë se kualifikimi për më tej është plotësisht i mundur për “Los Blancos”.
“Në Ligën e Kampioneve, fati shpesh është deçiziv. Real Madrid luajti mirë në ndeshjen e parë por fati nuk ishte me ta”.
“Në ndeshjen e kthimit nuk do të jetë e lehtë, por sigurisht që Reali do të ketë shumë mundësi për ta vendosur City-n në telashe të mëdha. Mendoj se Reali është akoma favorit për të kaluar më tej”. deklaron Suker.
Ndërsa nga ana tjetër, Pedja Mijatoviç, teksa është dakord me fjalët e ish-shokut të tij të skuadrës, shkon më tej, duke deklaruar se La Liga këtë sezon duhet të jetë e Realit të Madridit.
“Reali është favorit në të gjitha frontet, Në La Liga gjendemi të parët dhe nuk duhet ta humbim atë pozicion për asnjë moment më. La Liga duhet të jetë e jona”.
Suker dhe Mijatoviç, ishin protagonistë në fitimin e Ligës së Kampioneve në vitin 1998, ku Reali në finale kishte përballë Juventusin.
