Deputetja Rudina Hajdari ka goditur verbalisht kryeministrin Edi Rama duke e quajtur tërësisht propogandë aktin normativ të qeverisë për paketën anti-KÇK.
Në fjalën e saj gjatë seancës së sotme plenare në Kuvend, Hajdari tha se në 7 vitet e qevirjses së tij, bandat kanë lulëzuar dhe janë shndërruar në makthin e qytetarëve.
Sipas Hajdarit, kryeministri dhe shumica e deputetëve të tij kanë krijuar grupin e tyre të miliarderëve dhe nuk e kanë idenë se çfarë por ndodh dhe pasi dalin nga resortet e tyre ku banojnë, marrin vendime për Shqipërinë.
“Në këto 7 vite e keni çuar vendin keq e më keq. Koka jote është bosh, ndoshta janë ndikimet ruse që u ja kanë zbrazur kokën. Në këto 7 vite bandat u shndërruan në makthin e shkodranëve, ku keni qenë kryeministër në këto 7 vite, ku keni qenë zoti Rama kur Elbasani u shndërrua në laboratorin e drogës. Por portin e Durrësit e harruat, pika kryesore e kokainës që vjen nga Kolumbia. Keni thënë që vendi jonë nuk ka kanabis, ju përmendët organizatat mafioze, ju i keni kthyer organizatat mafioze në Shqipëri në më të rrezikshme. Janë kthyer në rrezikun më të madh në Holandë. Edhe Fieri kontrollohet nga banda. Ku po shkojnë këto para, ku po administrohen këto para. Në Tiranë është bërë masakër, lejet e ndërtimit janë rritur ndjeshëm. Shumica e deputetëve këtu i përkisni një klubi, grupit të milianderëve që nuk e keni idenë se çfarë por ndodh në Tiranë. Keni blerë shtëpia nëpër resorte, futeni aty izoloheni me bodyguard, në momentin që dilni nga ato resorte fatkeqësisht merrni vendime për shqiptarët. Nuk mund të më vini sot këtu dhe të më thotë që po luftoni krimin e organizuar, ndërkohë që organizatat mafioze shqiptare janë shndërruar në organizatat më të tmerrshme edhe në Evropë. Prandaj zoti Rama mos u tallni me popullin tonë, meritojmë më shumë. Ky akt normativ është një propagandë e jashtëzakonshme, ju e dini fare mirë. Kryeministri i nxjerr aksionet si film serial. Rama është mjeshtër për propagandë“, tha Hajdari
