Një ngjarje e rëndë ka ndodhur sot në plazhin e qytetit të Durrësit, ku një 4-vjecare është mbytur në det pasi kishte shkuar me kushërirën e saj për t’u larë. Por dyshohet se edhe kushërira 18-vjecare është mbytur, pasi ende nuk ka asnjë gjurmë të saj.NGJARJA
Mësohet se e mitura me inicialet E.B. ishte në plazh me të afërmit e saj. Ndërsa në mbrëmje rreth orës 19:00 ajo ka hyrë për t’u larë bashkë me kushërirën e rritur por nuk ka dalë më. Familjarët e vogëlushes kanë denoncuar në stacionin policor të zonës së plazhit dhe pas një orë kërkime, trupi i 4-vjecares është gjetur në breg të detit.
Por ende nuk ka asnjë shenjë të kushërirës së saj, e cila dyshohet se është mbytur gjithashtu. Policia vijon kërkimet.
NJOFTIMI I POLICISE
Më datë 03.09.2016, rreth orës 19:10 shtetasi M.H. 56 vjeç ka njoftuar Stacionin e Policisë Plazh, pasi nuk po gjente mbesat e tij 4 dhe 18 vjeçare, të cilat ishin futur në det për t’u larë. Shtetasi i mësipërm kishte ardhur me pushime në Plazhin e Durrësit bashkë me familjarët e tij. Menjëherë Policia e Durrësit ka nisur kërkimet dhe rreth orës 20:05, në vijën bregdetare, u gjet vajza e mitur me iniciale E.B. 4 vjeçe, e cila ishte mbytur. Vijojnë kërkimet për gjetjen e shtetases I.H. 18 vjeçe.
