Pas humbjes së skuadrës së tij ndaj Chelsea-t, Jurgen Klopp nuk ishte në humor për t’iu përgjigjur pyetjeve rreth Coronavirusit të bëra nga gazetarët.
Tekniku gjerman u pyet nëse ishte i shqetësuar për përhapjen e virusit dhe si kjo mund të ndikojë në skuadrën e tij, por gjermani e pa krejtësisht të paarsyeshme për t’iu përgjigjur kësaj pyetjeje, duke ia lënë ekspertëve këtë çështje.
“Ajo çfarë nuk më pëlqen në jetë, është se për gjërat serioze pyeten njerëzit e gabuar. Nuk e kuptoj këtë gjë”.
“Nëse do ua bëja unë këtë pyetje juve do të ishit në rolin që jam unë, duke dhënë përgjigje të gabuara, pasi nuk është puna juaj. Kështu që nuk është e rëndësishme se çfarë thonë njerëzit e famshëm”.
“Duhet t’i trajtojmë gjërat në mënyrën e duhur, duke dëgjuar ekspertët jo njerëzit pa dijeni si unë apo ju”.
