Epidemia Covid-19 nuk duhet të ketë shkaktuar befasi në botën mjekësore të Kinës dhe në radhët e biologëve. As mënyra e transmetimit, as shpërthimi, as pasojat fatale të tij, madje as përqindja e vogël e pacientëve që humbin jetën.
Kjo për shkak se një studim shkencor, i kryer nga studiues të Institutit të Virologjisë në Institutin Ohan, gati një vit para shpërthimit të koronavirusit, parashikon me saktësi detajet e kësaj sëmundje të re, ndërsa bën thirrje për vëmendje shkencore dhe mjekësore për të shmangur pandeminë.
“Në përgjithësi mendohet se virusi CoV i shkaktuar nga lakuriqi i natës do të kthehet dhe do të shkaktojë një epidemi. Duke marrë parasysh këtë, Kina është një vatër e mundshme. Sfida është të parashikohet se kur e ku dhe të bëjmë më të mirën për të parandaluar epidemi të tilla”, përfundon studimi në vitin 2018, që u botua më në fund në një ditar shkencor më 2 mars 2019, dhjetë muaj para shpalljes së epidemisë.
Në këtë studim, shkencëtarët janë të shqetësuar se virusi do të shpërthejë për shkak të lakuriqëve të natës. Ata thonë: “Ka shumë të ngjarë që SARS-i ose MERS-i ngjashëm me shpërthimin e virusit do të vijë nga lakuriqët, dhe ka një gjasë të shtuar që kjo të ndodhë në Kinë. Kështu që kërkimi për virusin e lakuriqit është një çështje urgjente për të identifikuar herët shenja paralajmëruese që do të ndihmojnë në minimizimin e pasojave të këtyre shpërthimeve të ardhshme në Kinë”.
Sipas hipotezës së studimit, pasi lakuriqët udhëtojnë në distanca të gjata, ka më shumë të ngjarë të mbajnë viruse vdekjeprurëse nga një vend në tjetrin. Dhe për shkak se lakuriqët janë gjitarë, ata përfundimisht do t’i transmetojnë këto viruse vdekjeprurëse te njerëzit.
Studiuesit parashikuan gjithashtu se si nga lakuriqët, virusi do të përhapet te njerëzit, përmes ushqimit. Siç shprehen ata: “Kultura e ushqimit kinez beson se kafshët e therura janë më ushqyese dhe ky besim mund të lehtësojë transmetimin e virusit”.
Lajmi për studimin raportohet dhe nga grekja “Zougla” që ngre pyetjen: A duhet Bota të ndëshkojë vendet që censurojnë informacionin për shpërthime të mundshme të patogjenëve të rinj vdekjeprurës?
“Ndoshta parashikimi për epideminë tjetër është botuar tashmë, ne thjesht nuk mund ta zbulojmë ose ta marrim seriozisht”, e mbyll artikullin prestigjiozja greke.
/BoldNews/
