Cristiano Ronaldo po kalon një moment të vështirë pasi mamaja e tij ka pësuar një goditje në tru dhe për pasojë është e shtruar në spital, ku dhe i është nënshtruar një ndërhyrjeje kirurgjikale.
“A Bola” raporton se Ronaldo ka lënë Torinon dhe është nisur drejt Portugalisë për t’i qëndruar pranë nënës së tij. Gjendja e nënës së Ronaldos, Dolores tashmë është e qëndrueshme dhe ajo është e vetëdijshme, por rreziku i plotë akoma nuk ka kaluar dhe për këtë duhet pritur disa orë.
Për këtë arsye, Ronaldo rrezikon të humbasë ndeshjen e kthimit të Juventusit ndaj Milan-it në Kupën e Italisë, e cila është planifikuar të zhvillohet ditën e nesërme.
