Edi Rama nuk e ka vonuar përgjigjen e tij në drejtim të Presidentit Ilir Meta, më pak se një orë, pasi ky i fundit lëshoi ultimatum për shpërndarjen e Kuvendit.Rama tha se Presidenti nuk mund të shpërndajë Kuvendin, ndërsa është shprehur se PD është kthyer në një servis figurantësh që përdoret nga Meta.
“Mund të firmosë dhe një dekret që ti shpall luftë Amerikës, por parlamenti nuk do e njohë”, deklaroi Rama.
“Më thanë se ishit këtu poshtë dhe zbrita sepse kemi pasur ditë të ngarkuar në PS dhe po pres për të takuar kolegët tuaj nga Prishtina dhe më pyesni”, tha Rama për gazetarët pas takimit me strukturat e PS.
Pyetje: Ju ka lënë afat 15 Marsin Presidenti i Republikës…
“Ku është e reja këtu, ndërkohë që sot KE i riu ka dhënë rekomandimin për hapjen e negociatave për anëtarësimin. Ka një rëndësi të veçantë, jo sepse jep rekomandimin por përforcon rekomandimin e komisionit të kaluar vitin e shkuar. Ky është lajmi për mua sot. Por ka edhe një koincidence. Shkojmë në Bruksel marrim një mbështetje të jashtëzakonshme, sigurojmë financimet për investimet duke tejkaluar çdo pritshmëri të këtushme dhe krijuar një bazë për një hov të ri ekonomik dhe po atë ditë, Presidenti, që President sot s’ka asgjë, del dhe shpërthen përpara jush si një minë e programuar për të bërë atë gjë atë ditë. Sot në Bruksel del një raport që minimalisht duhet ta gëzonte një President, por që ta hidhëronte në pikën që të ri shpërthejë para të gjithëve, kjo është për të qarë, pavarësisht unë qesh se për mua është diçka e pritur he jo befasuese.
“E kam thënë më parë, Presidenti i Republikës nuk mund të firmosë dekrete të tilla. Ndërsa Iliri s’ka asgjë si President, por që sot ka çelur një fushatë brenda opozitës. Mund të firmosë dhe një dekret që ti shpall luftë Amerikës, por parlamenti nuk do e njoh”, shtoi.
“Shqipëria reale ka marrë një tjetër mbështetje në Bruksel. Lajmi i keq sot është se PS u kthyer në një servis figurantësh për presidentin”, vijoi më tej.
/BoldNews.al/
