Invaldi ‘simbol’ i protestave opozitare gjatë vitit të shkuar, Gjergj Çuni është mbajtur për disa orë në komisariatin nr. 1 të kryeqytetit. Sipas Çunit, e vetmja arsye që i kanë dhënë është që ai ka qenë i dhunshëm në protestat e tjera.
“Unë jam Gjergj Çuni nga qyteti i Shkodrës, populli asht në pikë të hallit me qeverinë e Edi Ramës. Erdha sot në protestën e thirrur nga presidenti Ilir Meta dhe thashë po vij pak ma herët dhe kalova nga parlamenti dhe thashë po shkoj të selia e PD, e më shoqëruan në komisariatin nr 1. Më thanë ke bërë dhunë në protesta të tjera. Unë bëj thirrje për tubime paqësore me ec përpara e mos me u ndal”, tha Çuni për Fax Nexs.
Pyetjes së pse ai po merr pjesë sot në këtë manifestim ai u përgjigj se i kanë hequr invaliditetin ën shenjë hakmarrjeje dhe se kërkon një Kushtetutë të re që i shërben popullit,
“Kushtetuta asht krejt përtoke, me kanë heq indaliditetin se kam ardhur protesta, nëse kam shkelur ligjin të më fusin në burg. Shtetet e botës të ndihmojnë dhe të miratohet kushtetuta e të ha dhe unë një kafshatë bukë”, tha invalidi Gjergj Çuni.
