Dënimi i Manchester Cityt nga Liga e Kampioneve për dy vite, mund të bëjë që shumë yje të largohen nga kjo skuadër.
Njëri nga lojtarët që pritet të largohet është edhe sulmuesi brazilian Gabriel Jesus. Braziliani është objektivi kryesor i kampionëve të Italisë, Juventusit për repartin ofensiv të skuadrës.
Mediat italiane kanë raportuar se tanimë drejtori sportiv i Juves, Fabio Paratici ka qenë në Angli dhe ka pasur një takim me brazilianin dhe agjentin e tij. Ndërsa edhe vetë 22-vjeçari është i interesuar për një kalim te bardhezinjtë.
Mendohet se oferta fillestare e kampionëve të Italisë në drejtim të City-t, do të jetë rreth 70 milionë euro. Jesus këtë sezon është paraqitur në 36 ndeshje ku ka shënuar 18 gola dhe ka dhënë nëntë asiste.
