Një aksident ka ndodhur mëngjesin e sotëm tek rreth rrotullimi pranë Urës së Dajlanit në Durrës. Mësohet një makinë ka goditur nga pas patrullën e policisë duke i shkaktuar dëmtime, ndërkohë që kanë mbetur të plagosur dy efektivë policie. Në vendin e ngjarjes ka shkuar grupi hetimor që ka kryer veprimet procedurale, ndërkohë që drejtuesi i makinës është shoqëruar në polici.
“Rreth orës 02:00, në vendin e quajtur “Ura e Dajlanit”, automjeti i Patrullës së Përgjithshme që ishte duke patrulluar në zonë është goditur nga mbrapa nga një mjet tip “Volkswagen” me drejtues shtetasin E.J., 22 vjeç, i cili drejtonte mjetin nën efektin e alkoolit në masën 0.44 mg/l. Si pasojë e goditjes janë lënduar lehtë pa asnjë problem për jetën dy punonjës policie. Drejtuesi i mjetit është shoqëruar në ambjentet e Policisë për veprime të mëtejshme. Grupi hetimor po punon për zbardhjen dhe shkakun e aksidentit”, njoftoi policia.
