Mbrëmjen e sotme të ftuar në emisionin “Zonë e Lirë” ka qenë i ftuar sekretari i Përgjithshëm i PD, Gazment Bardhi, që ka folur mbi ngjarjet politike në vend.
“2 marsi i Ilir Metës/ A rrëzohet Ramsi me mjete politike?”, ka qenë një nga pyetjet e shtruara në emision, së cilës iu përgjigj Bardhi.
“Mua më rezulton që të gjitha vendimet e marra nga PD janë marrë në mbështetje të organeve më të larta të partisë. Ka patur një vendim unanim të gjithë strukturave të partisë. Më rezulton që nga ai vendim, PD dhe opozita, i ka shërbyer interesit publik. Arsyeja pse jemi në politikë nuk është t’i bëjmë qejfin 50-60 vetave, por t’i shërbejmë shumicës, interesit publik. Do dalim në protestë kur të gjykojmë kur të jetë koha, nuk i kemi paralajmëruar protestat që në vjeshtë. Thamë se kur opozita të gjykojë se i vjen në ndihmë organizimi i protestave, patjetër do ketë”, ka thënë Bardhi.
“Deri tani këto strategjitë tuaja nuk kanë arritur një gjë konkrete”, i tha Çuri. “Strategjitë tuaja kanë bërë atë që PD të jetë më e fortë se një vit më parë. Ne jemi shumë më të fortë se sa ishim para një viti dhe Rama është më i dobët se ç’ishte para një viti”, iu përgjigj Bardhi.
