Mbrëmjen e djeshme u kualifikuan 14 skuadra për në fazën çerekfinale të Europa League ndërsa 1 ditë më parë ishte kualifikuar Rangers.
Kështu nga skuadrat e mëdha Inter, Manchester United Roma dhe Sevilla kanë avancuar pa asnjë problem në raundin e 1/8-ve të Europa League, ndërkohë Ajaxi nuk arriti të përmbyste dot humbjen 2-0 të ndeshjes së parë ndaj Getafes dhe u eliminua edhe nga kompeticioni i dytë më i rëndësishëm për klube. Në një San Siro të boshatisur për shkak të frikës nga Koronavirusi, Interi bëri detyrën ndaj Ludogorets duke fituar edhe takimin e kthimit me shifrat 2-1, një fitore me përmbysje e zikaltërve me golat e Biraghit dhe Lukakut.
Dhuroi spektakël në Old Trafford, Manchester United që mposhti 5-0 në takimin e kthimit belgët e Club Brugge ndërkohë që ndeshja e parë kishte përfunduar në barazim 1-1. Bruno Fernandes me penallti, Ighalo McTominay dhe Fred që shënoi dy herë ishin autorët e golave për skuadrën e Solskjaer. Sevillas i mjaftoi ai gol në fushë kundërshtare për të eliminuar rumunët e Cluj, pasi në Ramon Sanchez Pizjuan u nda në një barazim pa gola.
Ajaxi fitoi 2-1 me përmbysje sfidën e kthimit ndaj Getafes në Holandë por disfata 2-0 në ndeshjen e parë, bëri që harkëtarët t’i jepnin lamtumirën edhe Europa Leagues edhe pse ishin një nga skuadrat pretendente për ta fituar këtë kompeticion.
Për sa i përket surprizave padyshim ishte kualifikimi i Olimpiakos ndaj Arsenalit. Ndërkohë që surprizë mund të konsiderohet eliminimi i Celtic që u mposht në shtëpi me shifrat 1-3 nga FC Copenhagen që avancoi më tej me rezultat të përgjithshëm 4-2 në favor.
15 Skuadrat e kualifikuara në çerekfinale:
Rangers
Basaksehir
Basel
Wolverhampton
Bayern Leverkusen
Roma
Lask
Wolfsburg
Getafe
Olympiacos
Shakhtar
Copenhagen
Inter
Manchester United
Sevilla
