Paniku nga rreziku i përhapjes së koronavirusit është rritur pas shtimit me ritme të larta të rasteve në Italinë fqinje. Por një lajm i mirë vjen, referuar statistikave, pasi ka një rënie të personave që infektohen në rang botëror.
“Worldometers”, e cila publikon në kohë reale të dhëna nga koronavirusi dhe jo vetëm, bën të ditur se deri tani 32,968 kanë arritur të shërohen nga ky virus.
Koronavirusi ka prekur 82,393 persona, nga të cilët 2,807 kanë humbur jetën, 32,968 janë shëruar, ndërsa 46,618 janë aktualisht të infektuar.
Nga numri total i të infektuarve 38,149 persona janë në gjendje të qëndrueshme, ndërsa 8,469 në gjendje të rënduar dhe kritike. Nga kjo kategori, 8346 janë në Kinë.
