Ditën e premte luhet supersfida mes skuadrave të kryeqytetit, Tiranës dhe Partizanit. Edhe pse kur vihen përballë këto dy skuadra atmosfera gjithmonë është e ndezur, këtë vit derbi merr një kuptim tjetër duke parë dhe formën e lartë të ekipeve.
Tirana kryeson renditjen me 44 pikë ndërsa Partizani ndjek në vendin e tretë me 6-të pikë më pak.
Lidhur me këtë ndeshje, klubi i Tiranës ka dalë me një deklaratë në mediat sociale, ku njofton se numri i biletave ka ecur me një ritëm të jashtëzakonshëm duke konfirmuar pjesëmarrjen e lartë.
Gjithashtu në lidhje me mbarëvajtjen e sfidës, bardheblutë deklarojnë se çdo mjet i fortë apo piroteknik si dhe shishet plastike janë kategorikisht të ndaluara ndërsa tifozët duhet të jenë të pajisur me kartat e identitetit në momentin e hyrjes në stadium.
Njoftimi i plotë:
