Ditën e djeshme në “Staples Center”, Los Angeles, u mbajtën homazhet publike për ndarjen nda jeta e basketbollistit Koby Bryant dhe vajzës së tij Gianna.
Të pranishëm ishin emrat më të mëdhenj të botës së sportit amerikan, por edhe të fushave të tjera. Një nder ta ishte dhe basketbollisti më i mirë i të gjitha kohërave, Michael Jordan. Legjenda e NBA-së gjatë ceremonisë përkujtimore në nder të mikut të tij ka shpërthyer në lot.
Me lot në sy Michael Jordan deklaroi: “Kur vdiq Kobe Bryant vdiq edhe një pjesë brenda meje”.
“E admiroja pasionin e tij. E kuptova që donte të bëhej i fortë si unë dhe që nga ajo ditë jam përpjekur të jem për të si një vëlla i madh, më i miri i mundshëm”.
“Shoh përqark këtë stadium dhe kuptoj se tek të gjithë ju që jeni sot këtu diçka ka ndryshuar që kur Kobe nuk jeton më. Tashmë të gjithë ne duhet të jetojmë me kujtimet e këtij njeriu që shkroi historinë. Edhe unë do të jetoj me kujtimet se kam bërë maksimumin për vëllanë tim të vogël”.
https://www.youtube.com/watch?v=PoyhZz4vMOw
